تقسیم انعامات: کھریواں (اسٹاف رپورٹر) ہمارا گاؤں ہمارا گھر ساماجک ویلفیئر سوسائٹی کی طرف بچوں کو انعامات سے نوازا گیا، یہ انعامات بچوں کو پارہ عم حفظ کرنے اور دینے کے بنیادی مسائل معلوم ہونے پر دیے گئے۔
تقسیم انعامات: مسابقے میں اول آنے والے بچے کو 6000، دوم آنے والے کو 5000 اور تیسرا انعام حاصل کرنے کو 4000 روپیے نقد کے ساتھ ہی معیاری کتابوں کا سیٹ سرٹیفکیٹ شیلڈ اور مڈل سے بھی نوازا گیا ۔ حصہ لینے والے تمام بچوں کو بھی تشجیعی انعام کے طور پر کتابوں کا سیٹ سرٹیفکیٹ اور مڈل پیش کیا گیا۔
پروگرام کے صدر مولانا محمد عمر اسلم اصلاحی نے بچوں کی حوصلہ افزائی کرتے ہوئے کہا کہ یہ بچے ہمارا آنے والا مستقبل ہیں اس لیے ان کی تعلیم و تربیت پر ہماری توجہ رہنی چاہیے۔
مولانا دلشاد احمد اصلاحی جامعی نے سوسائٹی کا تعارف پیش کرتے ہوئے اس کے اغراض و مقاصد پر تفصیل پیش کی۔ خطبہ استقبالیہ کے طور پر مہمانوں کا استقبال صدر سوسائٹی مولانا عتیق الرحمن اصلاحی نے کیا۔
واضح رہے کہ ہمارا گاؤں ہمارا گھر ساماجک ویلفیئر سوسائٹی نے تقریباً چھ مہینے قبل ایک اعلان یہ کیا تھا کہ جو بچہ اس ششماہی مدت میں پارہ عم اور کچھ بنیادی مسائل اچھی طرح یاد کرے گا، اسے سوسائٹی کی طرف سے انعام دیا جائے گا۔ اس اعلان پر 25 بچوں نے اپنا رجسٹریشن کروایا ۔ نظامت کے فرائض صابر علی بینائی نے انجام دیے ۔
تقریب تقسیم انعامات برائے حفظ پارہ عم مع تجوید و بنیادی مسائل دین
تقسیم انعامات: اراکین سوسائٹی جناب جاوید احمد اصلاحی، تنویر عالم اصلاحی، محمد ساجد اصلاحی، محمد صادق اصلاحی ندوی، محمد عادل اصلاحی، ڈاکٹر راغب اصلاحی، محمد شارق اصلاحی، سلمان اصلاحی علیگ کے علاوہ قرب و جوار کی معزز شخصیات سرائے میر کے چیئرمین وسیم احمد عرف پپو پیجر، ڈاکٹر وسیم احمد، بلال ارشد،راجہ پور سکرور، شفیق احمد اصلاحی، عارف اصلاحی، محمد شاہد سبھاسد، مدبر اسد اصلاحی، محمد سعید، محمد احد، مدبر ذوالقرنین وغیر نے اپنے خیالات کا اظہار کیا ۔
اس پروگرام میں گاؤں کے بڑے بزرگ اور بچوں کے علاوہ قرب و جوار کی معزز شخصیات نے حصہ لیا اور اپنے تاثرات کا اظہار بھی کیا جس میں قصبہ سرائے میر کے چیئرمین وسیم احمد عرف پپو پیجر، ڈاکٹر وسیم احمد صاحب ،بلال ارشد صاحب راجہ پور سکرور ،جناب شفیق احمد اصلاحی صاحب ،جناب مولانا عارف اصلاحی صاحب ، جناب عزیز الرحمن اصلاحی صاحب اسرولی ،محمد شاہد سبھاسدصاحب ، مولانا مدبر اسد اصلاحی صاحب، محمد سعید ، محمد احد ،مدبر ذوالقرنین جیسے اشخاص بطور خاص قابل ذکر ہیں۔
بلریا گنج : جامع مسجد نصیر پور میں تقریب تقسیم انعامات کا انعقاد
